تحديد اكتمال الدروس اوتوماتيكيا

لقد تم تحديث  خاصية مهمة في الدروس وهي “تحديد اكتمال الدروس اوتوماتيكيا” ودا معناه انه بمجرد ما تدخل على صفحة اي درس هيتعلم اوتوماتيك انك خلصته 

في الاول كان لازم انت الي تضغط بنفسك على زرار “لقد انهيت هذا الدرس” عشان يتسجل انك خلصته ولكن لاحظنا بعض المشكلات بسبب الموضوع دا :

  • كتير من الطلاب بينسى يسجل تقدمه ولما بيرجع عشان يكمل بيتوه مش عارف هوا وقف لحد فين
  • وفيه الي بيكسل يضغط على الزرار وبالتالي مش بيتسجل تقدمه في الدورة
  • والاخطر والاهم انهم بيستسهلو ويتنقلو بين الدروس بعشوائية وسرعه بدون ما يخلصو الدروس فعليا

عشان كدا عملنا موضوع الدروس تتعلم اوتوماتيك عشان نخليك تخلص فعلا الدرس بمجرد ما تفتحه  وتشوفه كله – لانه خلاص اتعلم عليك انك خلصته فلازم تخلصه فعلا عشان المرة الي جايه لما تيجي تدخل هيدخلك مباشر على الدرس الي بعده الي لسا متعلمش عليه 

 

ملاحظة هامة

طبعا انت تقدر ترجع في اي وقت تشوف اي درس سابق بدون اي مشكلة سواء اتعلم عليه او لا 

ولكن احنا بنحاول نخلق حالة  من الالتزام والانضباط التعليمي للناس الي مش عاوزه تلخبط نفسها عن طريق انه بمجرد ما تدخل على اي درس لازم تشوفه فعلا وتخلصه عشان كل حاجة تمشي بانتظام وبكدا نشجعكم تكملو ومتوقفوش تعلم 💪

نفس الفكرة بتاعت المدة الزمنية المحددة لتسليم التمرينات – احنا عاملينها تقريبا 24 ساعه – برغم انها مدة كبيييرة جدا تقدر تخلص فيها التمارين بتاعتك براحتك جدا – الا انها في الاخر تظل مدة ثابته محددة بتخلق حالة بردو من الانضباط والالتزام هتساعدك اكيد انك تعمل تمارينك ومتكسلش وبالتالي اكيد هتكون بتتعلم افضل 

وطبعا احنا بنحاول طول الوقت اننا نساعدك باكبر قدر تحققو افضل حاجة من دراستكم معانا 

وبالتوفيق ليكم جميعا باذن الله 

 

3 تعليق على "تحديد اكتمال الدروس اوتوماتيكيا"

  1. مش عارفه ارجع اشوف الكورسات تانى

    • مفروض ان الكورسات تفضل متاحة ليكي على طول
      بتتقفل مؤقتا وقت تسليم الكورس للتقييم النهائي وبعد التقييم بتفتح تاني تقدري ترجعيلها في اي وقت
      لو قابلتك اي مشكلة في الموضوع دا من فضلك ارجعيلنا في رسايل صفحتنا على الفيسبوك وباذن الله هنساعدك ونحلها في اقرب وقت

  2. كم انت عظيم يابش مهندس محمد ..ربي يحفظك ويكتب اجرك ..الصدق استفد كثير قوي قوي وحبيت الدراسه.. وان لاين بعد دروسك.. نفتخر فيك😍 انت عظيم ..ربي يوفقك ..وحنا تحت خدمتك في اي وقت ❤️

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

Blanoia © All rights reserved.

Blanoia - عادة ما يتم الرد فورا

Blanoia Logo-02-ِAvailable

أهلا بيك في بلانويا 😇
كلمنا على فيسبوك من هنا في اي وقت
احنا دايما في خدمتك 😊

سيتم تحويلك الى فيسبوك ماسنجر لمحادثتنا