بطريقة بسيطة جدا و مهمة لكل المصممين اللي شغالين علي 3D Max ، و اللي من خلالها هتعرف أزاي تحفظ أعدادات الرندر بعد ما تعملها عشان تحل مشكلة تضيع الوقت في كل مرة تعمل مشروع جديد و ما تضطرش تعملها تاني من الاول.
حفظ إعدادات الرندر
هنبتدي بالضغط علي ايقونة إعدادات الرندر و هتظهر لنا قايمة Render Setup زي ما ظاهر في الصورة.
و بعدها هنعمل بعض التعديلات في الإعدادات و بعد كده هنقوم بحفظ الأعدادات اللي اتغيرت في الخطوات الجاية.
بعد كده هنعمل حفظ للأعدادات و ده عن طريق قايمة Preset.
و لو اختارنها هتظهر لنا قائمة نقدر نختار منها اختيار اسمه Save Preset.
لما نضغط علي Save Preset هنقدر نعمل حفظ للأعدادات في ملف علي الجهاز.
و بعد ما تضغط علي Save، هيظهر مربع اسمه Select Preset Categories هيكون فيه عناصر الاعدادات اللي أنت عايز تحفظها و بيديك الأمكانية إنك تلغي عنصر لو مش عاوز تحفظه من خلال إلغاء الاختيار من عليه و بعدها تضغط علي Save.
و دلوقتي هنا هتلاقيه كتبلك render settings اللي هو الاسم اللي حفظت بيه الأعدادات
و لو فتحت مشروع جديد و عايز تسترجع الاعدادات بكل سهولة تقدر تخش علي قائمة Preset و هتلاقي أسمه في القائمة و لو أسمه مش متسجل في القائمة تقدر تضغط علي Load Preset.
و تختار ملف الاعدادات من المكان اللي حفظته فيه و هيظهرلك انت عايز تسترجع اعدادات ايه بالظبط و بعد كده تعمل Load و هيرجعلك الاعدادات تاني زي ما كنت عاملها Save.
الملخص
يبقي من قائمة Preset تقدر تعمل Save للاعدادات و Load للاعدادات عشان متضظرش تعمل الاعدادات ديه من تاني لما تفتح مشروع أو تشتغل علي مشروع جديد.