النهاردة هنقدملك نصائح في استخدام و تعليم برنامج ثري دي ماكس (3D Max) من مواقف و تجارب كتير منها الإيجابي و السلبي، هتفرق كتير في مستواك و في اداءك، عشان هتطورك بسرعة و هتساعدك في
- تنظيم وقت علي تعليم برنامج ثري دي ماكس (3D Max) بكفاءة
- تزويد إنتاجيتك بشكل ملحوظ
- تطلع بأفكار جديدة أسرع
- تزود ابداعك كل يوم
- ازاي تقييم اراء الناس علي شغلك
ازاي تقدر تنظم وقت شغلك علي البرنامج
اشتغل كل يوم حط لنفسك كل يوم ساعه او اتنين تشتغل فيها على فايلات الماكس بتاعتك حاول متعديش ولا يوم الا لما تقعد فيه على فايل ماكس تعمل حاجة و تكون عملت إضافة لك من تعليم برنامج ثري دي ماكس (3D Max) – خلي دماغك دايما مرتبطة بشغل الثري دي متفصلش نفسك ايام كتير بتعمل حاجات تانية لانك لما ترجع تاني تفتح الماكس غالبا هتاخد وقت اكتر عشان تدخل في موود العملية الفنية فالافضل انك تثبت من يومك كل يوم ساعه ولا اتنين او حتى اكتر انك تقعد تشتغل ماكس.
إيه أفضل طريقة تزوّد بيها إنتاجك بشكل يفيدك
ودا يدخلنا على السر التاني : انتج اكتر
كام واحد فينا بيحب يتقن اوي الحاجة الي بيعملها ويقعد يجود ويحنتف ويدقق في كل التفاصيل كام واحد فينا بيعتبر دي ميزة وبيتفاخر بيها وانه ممكن يقعد على تفصيله صغيره ساعات وايام وهي للاسف اكبر عائق قدام نموه وتطوره في تعليم برنامج ثري دي ماكس (3D Max).
وفي اغلب الاوقات هتلاقي ان معظم الخبرة هتكتسبها في أقل من 50 % من الوقت الي بتقضيه على الشغلانه وال 50% التانين عمال تحنتف في حاجات مش بتضيف كتير لخبراتك وتعلمك وفي الغالب جزء الحنتفه دا هو الجزء الاسهل الي مش بتتعلم منه جديد ولكن قلب واساس العمل الفني اتعمل بالفعل في اول 50% واكتسبت بالفعل خبرته
فنش بقا وادخل في الي بعده اعمل اعمال اكتر وادخل في تحديات مختلفه ونوع مكتبة اعمالك واتعلم حاجات جديدة
ازاي تستنبط فكرة من تصميم تاني و تكمل عليها بمجهودك
السر التالت : اسرق
للاسف معظمنا بيبقو فاكرين ان الفنانين الكبار دول عباقرة جدا لدرجة انهم بيقدرو يطلعو افكار عبقرية وجديدة كدا من بنات افكارهم وخيالهم وابداعهم والحقيقة ان مفيش اي بني ادم يقدر يعمل كدا ابدا – لازم يكون عندك مدخلات تدخل دماغك يتعملها معالجه وتنضرب في الخلاط مع حسك الفني وشخصيتك وثقافتك عشان تطلع مخرجات مختلفه لو مفيش مدخلات مهما كان حسك الفني عالي ومهما كنت مبدع طالما مفيش مدخلات – مفيش مخرجات
امتى لازم تاخد قرار تغيير اتجاهك في طريقة استخدامك للبرنامج
السر الرابع : اتعلم في الشغل
مهم جدا تعرف ان الممارسة والتطبيق والشغل الكتير لوحده كدا مش هيعلمك او يضيفلك كتير
معظمنا بيوصل عند مرحلة انه يفتح فايل الماكس حافظ هوا هيعمل ايه وممكن يقعد ساعات كتيير شغل متواصل مشغل مزيكته وواخد غطس كدا جوا الفايل بدون تفكير كتيير هيا خطوات محفوظة ومكررة بيعملها هيا نفسها كل مرة وبتطلعله نتايج كويسة اول ما توصل للمرحلة دي اعرف انك وصلت لحيطة سد وانك خلاص معدتش لا بتتطور ولا بتتقدم وان دا اخرك لازم تحط نفسك في تحديات جديدة ومختلفه
اوعى انت بقا تسيب مخك يتهنى بالموضوع دا لازم تعكر عليه راحته طول الوقت وتديله حاجات جديدة يشتغل عليها وميستسلمش ابدا للراحة والاعتياد على الحاجات القديمة والمؤشر واضح وبسيط – اول ما تلاقي نفسك بقيت شاطر اوي والحاجات بتخلص بسهولة اوي – اعرف انك محتاج تغير اتجاه او تدور في حته جديدة عشان تفضل دايما بتتطور وتوصل لمرحله الخبير الي بندور عليها ايوة نعمل اية يعني –
ممكن تعمل حاجتين:
- اول حاجة افتح مكتبتك بص عالحاجات الي كانت بتعجبك ودور فيها على حاجة جديدة معملتهاش قبل كدا واسرقها
- الحاجة التانية افتح اليوتيوب بص على تتوريالز او كورسز او ورش فيها تحديات جديدة – اتعلم – واتاكد وانت بتعمل العمل الي بعده انك بتعمل فيه حاجة جديدة بتتعلمها وبتجرب فيها
مخنا بيميل دايما انه يريح نفسه وميبذلش مجهود كتير فيحاول يخلينا نعمل الحاجات الي احنا بنعرف نعملها ببساطة واحنا مرتاحين
تعمل ايه لما أفكارك تخلص
السر الخامس : خدلك فاصل
كام مرة حسبت وانت شغال انك خلاص قفلت معادش فيه افكار جديدة وقفت وخلاص مش عارف تعمل ايه فتقوم تدخل الحمام او تفتح يوتيوب او الفيسبوك وفجأه تجيلك فكرة تحللك المشكلة وترجع تعملها والدنيا تتحرك
الفكرة ان الواحد وهوا شغال سعات بينغمس اوي في الحاجة وبيتعلق بيها لدرجة ممكن تعمي عنيه عن مناطق التطوير فيها عشان كدا السر الخامس بيقولك خدلك فاضل من الشغل على المشروعات بس متقعدش تريح – خدلك فاصل واشتغل على مشروع تاني يعني حاول دايم تشتغل على اكتر من مشروع في نفس الوقت اشتغل في واحد شوية واما تخلص جزئية معينة او وقفت قدام حاجة صبعه سيبه واشتغل على واحد تاني انجز فيه حاجة وغالبا لما ترجعله هترجع للمشروع الاولاني فريش كدا ممكن تشوف حاجات مكنتش شايفها قبل كدا وتتفتحلك افكار جديدة ورؤيية مختلفه تساعدك تنجز فيه اكتر وتطلع منه ابداعات و تحسن عملية تعليم برنامج ثري دي ماكس (3D Max).
مين مفروض تسمع لرأيه في شغلك
السر السادس : خد آراء الناس
احنا في الاخر بنعمل الشغل بتاعنا للناس – عشان الناس تتذوق الفن الي فيه وتحبه وتتعلق بيه
لازم تاخد اراء الناس وتحترمها وتفكر فيها – مش بقولك تمشي ورا كل حاجة هتسمعها وتعمل لكل واحد الي هوا عاوزه بالظبط ولكن بردو اوعى تعمل كدا مع نفسك انك تمشي ورا نفسك وبس وتعمل الحاجات الي بتعجبك انت وبس حاول دايما انك انت الي تسعى انك تسأل عن اراء وتقييمات الناس للشغل بتاعك وتسمع ليها باهتمام وتفكر في كل كلمة بتسمعها الوحشة قبل الحلوة
وتحلل وتفهم عشان دا هيفتحلك ابواب كتير ممكن تطور نفسك من خلالها وتتعلم اكتر وتكون اعمالك مقبولة اكتر وتحقق نجاحات اكتر
مهم بردو في الاخر تتأكد انك بتعمل الحاجات الي انت بتحبها - متخليش اراء الناس تخليك تعمل حاجات انت مش حاسسها لازم تكون حابب الي بتعمله عشان تعرف تبدع فيه وتكمله
الملخص
انت كده عرفت ست اسرار لو نفذتها بشكل مستمر في تعليم برنامج ثري دي ماكس (3D Max)، هتكون كفيلة تنقل مستواك في تعليم برنامج ثري دي ماكس (3D Max) إلي مستويات إحترافية. كل عليك دلوقتي تحط خطة تمشي عليها عشان تبدأ تنفذ الست خطوات بشكل منظم و توصلك لمرحلة إنك تكون فنان في الثري دي ماكس و تعليم برنامج ثري دي ماكس (3D Max).
