المصمم المعماري دايما بيدور علي أفضل الطرق فعالية و كفاءة في شغله. عشان كده هنعرفك طريقة في الإيديت لصور المشاريع بتاعتك بسيطة و سهلة و سريعة بالأضافة أنها قوية جداً و هتضيف ميزة كبيرة ليك و لشغلك في التصماميم المعمارية، و كل ده بفضل برنامج Photoshop Express.
مقدمة
الصورة اللي قدامنا ديه صورة نفذتها واحدة من المتدربين في كورس البداية الصح في الماكس المعماري و ديه النتيجة اللي قدرت توصلها من الصفر كشخص لسه بيبتدئ .
و لكن الشغل اللي الصورة يعتبر لسه ناقصه حاجة و هو الايدتنج بتاع الفوتوشوب، محتاج شوية تحسينات.
دلوقتي هنعمل ايدتنج سريع جدا و لكنه قوي جدا في نتائجه و تأثيره في الشغل. لأنه هيوصل الصورة لمستوي متميز جدا بدون أي مجهود أو أي عمليات معقدة.
من خلال برنامج فوتوشوب ايكسبريس، و ده برنامج مختلف و برنامج تاني عن برنامج الفوتوشوب التقليدي المشهور اللي بيأخد وقت كتير و مجهود و كورسات عشان نتعلمه.
تنفيذ الEditing علي المشهد
أول حاجة طبعا هنفتح الصورة اللي عايزين نشتغل عليها في Photoshop Express.
بأمر واحد بس و بالضغط علي Auto Enhance بالأعلي، هنقدر نحسن الصورة بشكل مبدئ، بعد كده نقدر نعدل فيها براحتنا.
دلوقتي محتاجين ندخل علي قائمة Edit و نروح ناحية Color عشان نبدئ نعمل شوية تحسينات في الألوان.
هنبدأ نغير في درجة حرارة الصورة اللي هي Temperature . لو عملنا تقليل للقيمة هنلاقي بعدها الصورة هتبقي برده زيادة عن اللزوم يبقي هنزودها شوية، و دي حاجة بتخلتف من ذوق واحد و التاني.
و نقدر نعدل في Tint اللي هي النسبة بين الاحمر و الاخضر. و النجفة إضائتها تعتبر عالية شوية فمن الممكن نعدل كمان في Highlights عن طريق تقليل قيمتها شوية عشان نقلل الاضاءة و هنلاقي إضاءة النجفة بقت واضحة و مريحة و ممكن كمان نزود السطوع اللي هو Exposure حاجة بسيطة للصورة كلها.
ممكن نعدل في التباين اللي هو Contrast حاجة بسيطة بس هو عادة بيحسنه لوحده تلقائيا فغالبا مش هتحتاج تعمل فيه حاجة.
ممكن نذكر برده بعض الادوات اللي ممكن نعدل عليها:
- السطوع – Exposure
- تمييز الضوء – Highlights
- تظليل – Shadows
- درجات اللون الأبيض – Whites
- درجات اللون الأسود – Blacks
و في تأثيرات – Effects زي الوضوح – Clarity اللي بتعمل علي توضيح الصورة اكتر.
و تحت قائمة Details
هنلاقي برده قيمة Sharp و ده أمر مهم جدا خاصة في التطبيقات المعمارية نقدر نعمل من خلاله شاربنج للصورة خفيفة خالص و ما نحاولش نزود فيه و قيمة 5 تعتبر قيمة كويسة و الأفضل طبعا ما نحاولش نزود عن كده.
الملخص
تقدر دلوقتي تشوف الفرق بين قبل الايديت و بعد الايديت.
هتلاقي حصل فرق كبير جدا أوعي تستهون بالقوة و الميزة ديه و هتفرق بشكل كبير جدا في الصور بتاعتك و شغلك.
و في الاخر بمنتهي البساطة هتعمل حفظ أو ساف و تختار المكان اللي هتخفظ فيه الصورة.