–
كلنا بالتأكيد عايزين نعرف ايه أسهل و أفضل طريقة تعليم 3D Max معماري، و نعرف ايه افضل أماكن تتعلم فيها، و إزاي نتجنب مشاكل تعليم 3D Max معماري و تضمن أنك تحقق هدفك من تعليم 3D Max معماري.
لازم تأخد بالك أن ده سؤال مهم، إزاي تتعلم الماكس. لأنه من الحاجات اللي بتأخد وقت و فلوس كتير فأنت لو مشيت في طريق غلط هضيع علي نفسك وقت و فلوس كتير.
بس هنمشي معاك خطوة بخطوة لغاية ما تعرف أفضل طريقة مناسبة ليك تتعلم بيها الثري دي ماكس بالأخص تعليم 3D Max معماري.
تحمل مسئولية تعليم نفسك
و هنا في سوء فهم كبير لازم نأخد بالنا منه و هو أن معظم الناس بتفكر علي نمط علم نفسك بنفسك، بس المشكلة هنا أن مفيش حد بيعلم نفسه بنفسه حرفيا و دايما لازم يكون في مصادر و مراجع بتروحلها عشان تتعلم منها.
المقصود هنا الفعل نفسه، إنك تروح تسعي تجيب المصادر لان هيكون فيه دايما المحاضر اللي هتتعلم منه و هيكون فيه دايما الكتاب اللي بتقرأ منه أياً كان المصدر.
المصدر عليه مسؤولية أنه يديلك المعلومة بشكل كويس و انه يدربك عليها و انه يتبعك و حاجات تانية كتير.
فلازم تختار مصادر جيدة و موثوقة عشان تتعلم منها و تبذل وقت و جهد في البحث علي المصادر اللي هتتعلم منها و تتأكد أن الشخص بيعلمك بطريقة صح.
الموضوع مش مقتصر علي ان المعلومة اللي بيقدمها تكون صح بس، لازم كمان تكون طريقة تقديمه للمعلومة صح ومناسبة ليك. لازم تتأكد من مهارات مدربك التدريبية مش بس إنه شاطر في المجال كمان لازم يكون شاطر في التدريب و يقدر يوصلك المعلومة
عملية تعليم 3D Max معماري الصح
بعد ما عرفنا إزاي نفكر في عملية التعلم، محتاجين نعرف ايه اللي محتاجين نتعلمه و هنا لازم نسأل نفسنا
هل الصح إني اتعلم أداه بأداه و اعرف كل أداه لوحدها هي بتعمل ايه؟
و لا صح إني اتعلم كيفية إستخدام الأداه بمعني اطبق بيها؟
و ديه نقطة لازم نفهمها و هو إن الاهم من إنك تتعلم كل أداه بتعمل أيه هو إنك تعرف تستخدمها إزاي في التطبيقات عشان في فرق كبير بين النقطتين دول بالأخص في تعليم 3D Max معماري.
الماكس فيه ادوات كتير جدا و كل اداه ليها وظيفة صغيرة جدا عمرها ما هتوصلك أنك تعمل منتج نهائي. الادوات بتتركب ورايا بعضها اداءه وراء اداءه لغاية مابتطلع في الاخر المنتج النهائي. عملية تركيب الادوات وراء بعضها و تسليم كل اداءه للاداءه اللي بعدها ديه تعتبر عملية كاملة وراءها استراتيجيه معينة سواء في الموديلنج او في الماتريال او في الاضاءات، عشان تعرف تستخدمها لازم تطبق و متقعدش تتعلم كل اداه لوحدها عشان بالطريقة ديه مش هتوصل لمستوي الأحترافية في تعليم 3D Max معماري.
فلازم تفهم علاقات الادوات ديه ببعضها و تقدر تربط ما بينهم أصح من أنك تتعلم كل اداءه لواحدها. فأتعلم علي تطبيقات حقيقة ، أوعي تتعلم الادوات و القوائم بشكل منفصل. أو تتعلم الموديفيرز بشكل منفصل لا انت اتعلمهم علي تطبيقات عشان تعرف ازاي تربطهم مع بعض.
ولازم تاخد بالك من الفرق ما بين إنك بتتعلم الحرفة ولا بتتعلم الفن؟
لا يكفي إنك تتعلم أداه زي تعليم 3D Max معماري عشان تعمل عمل فني متكامل. فلازم تكون فاهم برده الجانب الفني وراء المشروع و ايه معايير و أسس الجمال بمعني أنك لازم تكون فاهم ازاي تحقق تناغم وأتزان و تضاد بأستخدام كل ادوات الماكس زي الاضاءات و الماتريال و الكتل و الرندر النهائي و ازاي تاخد اللقطة النهائية، إستخدام الإدوات كل مع بعضها يعتبر عملية فنية.
لا تكتفي بتعلم الادوات و العمليات التقنية و اعرف المعايير الفنية للمخرج النهائي.
التعليم الأونلاين ولا التعليم الأوفلاين
طبعا كل طريقة منهم ليها مميزاتها و عيوبها .و لكن إحنا بنشجع التعليم الأونلاين بسبب قوة مميزاته اللي بتزيد كل يوم و فيها تطور كبير الفترة الحالية.
التعليم الأونلاين بيسمح ليك في أنك تنوع مصادرك و ديه حاجة مهمة جدا و هي إنك متخدتش المعلومات من مصدر واحد، لانك لو خدت من مصدر واحد فانت كده خدت جزء من معلوماته و أيا كان الشخص اللي بتتعلم منه، له حد أو ليميت في معلوماته.
فانت تاخد معلومات من كذه مصدر فتكسب معلومات أكتر و متنوعة علي عكس التعلم الاوفلاين إنك بتاخد معلومات من مصدر محدود جدا و هو شخص واحد أو تدريب واحد مركز علي منهج محدود.
بس مفيش مانع انك تنزل برده اوفلاين في حال عايز تتفاعل و تسأل المحاضر بشكل خاص. و برده ماتمنعش نفسك من قوة التعلم الأونلاين و من مميزاته.
الملخص
دلوقتي أنت عرفت أهمية البحث عن المصادر التعليمية و تحمل مسؤولية البحث علي المصادر. و عرفت أهمية طريقة الشرح و التعليم لا تقل عن أهمية قوة صحة المعلومات. لازم الاتنين يتوفروا في المصدر التعليمي.
لازم برده تفرق بين تعلم الادوات و القوائم بشكل منفصل و التعلم بالتطبيق عشان تتدرب علي الربط بين الادوات و تطلع بعمل فني و تتطور بسرعة في تعليم 3D Max معماري.
و اخيرا, اتكلمنا عن الفرق بين التعليم الأونلاين و الأوفلاين. و أن التعليم الأونلاين بيوفرلك أهم نقطة في العملية التعليمية و هي تنوع المصادر و الدروس التعليمية اللي هيكون له دور كبير ليك في تعليم 3D Max معماري.